Лябараторнае дасьледаваньне ўзятых напярэдадні пробаў, праведзенае ў Рэспубліканскім цэнтры аналітычнага кантролю ў галіне аховы навакольнага асяродзьдзя (РЦАК, заснавальнік — Міністэрства прыроды), паказала перавышэньне ў 4,2 раза ў месцы выцеку, вышэй і ніжэй па цячэньні забруджваньня вады нафтапрадуктамі не зафіксавана.
Аб выцеку нафтапрадуктаў з пантону на Сьвіслачы ў раёне ратавальнай станцыі Мінпрыроды паведаміла 29 ліпеня. Адзначалася, што супрацоўнікі МНС устанавілі спэцыяльныя загароды і адпампавалі забруджаную ваду. Маштаб забруджваньня тады папярэдне ацанілі як лякальны.
Пазьней ведамства паведаміла, што пры дапамозе загараджальных бонаў «выцек адпрацаваных нафтапрадуктаў быў зьлякалізаваны».
ГЛЯДЗІЦЕ ТАКСАМА: Сем ціхіх прарываў у галіне клімату і прыроды ў 2024 годзе, якія вы маглі прапусьціцьБліжэй да вечара спэцыялісты пачалі адпампоўваць ваду і рэшткі адпрацаваных нафтапрадуктаў у «ёмістасьці для часовага захоўваньня, якія будуць пад штодзённай аховай да моманту дастаўкі адходаў у месца ўтылізацыі».
«Прычыну здарэньня высьвятляюць адмыслоўцы. Разгляданая вэрсія — парушэньне гермэтычнасьці двух адсекаў пантоннага прычалу (карозія мэталу)», — адзначала Мінпрыроды.
2 чэрвеня міністэрства паведаміла аб выцеку нафтапрадуктаў з магістральнага нафтаправода Мазыр — Берасьце ААТ «Гомельтранснафта „Дружба“ ў Мазырскім раёне. Тады, паводле сьцьверджаньня прыродаахоўнага органа, трапленьне нафтапрадуктаў у водныя аб’екты не зафіксавалі.
ГЛЯДЗІЦЕ ТАКСАМА: На нафтаправодзе «Дружба» ў Мазырскім раёне адбыўся выцек нафты